Əbülfəz Abuzərli də Rotterdamın ardından Koreyada medal qazandı
Azərbaycanın daha bir parataekvondoçusu Cənubi Koreyanın Çunçeon şəhərində keçirilən açıq dünya çağırış yarışında medal qazanıb.
mediasport.az xəbər verir ki, G4 kateqoriyalı beynəlxalq turnirin ikinci günündə Əbülfəz Abuzərli (80 kq, K-44) fəxri kürsüyə yüksəlib.
Yığmamızın üzvü bürünc medala yiyələnib. Bununla da komandanın turnirdə qazandığı mükafat sayı 2-yə çatıb. Abuzərlidən əvvəl İmaməddin Xəlilov (70 kq, K-44) çempion tituluna sahib olub.
Qeyd edək ki, parataekvondo yığmamız Niderlandın Rotterdam şəhərində keçirilən Avropa çempionatında 2 qızıl, 1 gümüş, 2 bürünc medal qazanıb.
