Erməni jurnalistə "Qarabağ"ın oyunlarına baxdığını AÇIQLADI
Rusiya milli komandasının qapıçısı İqor Akinfeyev "Qarabağ" haqda maraqlı açıqlama verib.
Mediasport.az xəbər verir ki, Moskva ÇSKA-sının 38 yaşlı qolkiperi erməni jurnalist Tiqran Arutunyana verdiyi müsahibədə Azərbaycan klubunun oyunlarına baxdığını deyib.
"Hərbçilər"in kapitanı "Sport24.ru"nun əməkdaşının "Avropa futbolunu izləyirsən?" sualına belə cavab verib:
“Kramarenkoya görə (ÇSKA-da qapıçılar üzrə məşqçi işləyən Azərbaycan yığmasının sabiq üzvü Dmitri Kramarenkonu nəzərdə tutur-red.) bəzən “Qarabağ”ın Avropa Liqasındakı oyunlarına baxmalı oluram. Bu mövsümdə bütün rəqibləri ilə başabaş oynayıblar, amma hələlik hamısında (“Qarabağ” 4-cü turda “Budö Qlimt”ə qalib gəlib-red.) məğlub olublar. Bu isə səviyyə məsələsidir”.
