Avropa çempionatı: Azərbaycan - İsveç oyununun hakimləri açıqlandı
Futzal üzrə Avropa çempionatının əsas mərhələsində Bakıda baş tutacaq Azərbaycan - İsveç matçının təyinatları açıqlanıb.
Mediasport.az xəbər verir ki, görüşdə ədaləti Qazaxıstandan olan hakimlər briqadası qoruyacaq.
Oyunu Aslan Qalayev, Turexan Tursumbayev və Nurlybek Kalimaqanbetov idarə edəcək.
Qeyd edək ki, dekabrın 17-də Bakı İdman Sarayında keçiriləcək Azərbaycan - İsveç matçı saat 20:00-da başlanacaq.
