Azərbaycan gimnastı Danimarkada beynəlxalq yarışda qalib gəldi
Azərbaycanın tamblinq üzrə gimnastı Tofiq Əliyev Danimarkanın Herninq şəhərində keçirilən “FaceOFF” beynəlxalq yarışında qələbə qazanıb.
Mediasport.az xəbər verir ki, Tofiq Əliyev 2014-cü ildən etibarən keçirilən bu yarışda üçüncü dəfə iştirak edib.
“FaceOFF” fərqli formatı və unikal qaydaları ilə seçilir.
İdmançılar ən yaxşı çıxışlarını təqdim etmək üçün üz-üzə mübarizə aparırlar ki, bu da tamaşaçılar üçün idman şousuna çevrilir.
Yarış idmançıların texniki bacarıqları və artistik performanslarını ən yüksək səviyyədə nümayiş etdirməsi üçün ideal platformadır.
