Azərbaycan Kubokunda 2-ci mərhələnin cütləri müəyyənləşib
Futbol üzrə Azərbaycan Kubokunda I təsnifat mərhələsinə yekun vurulub.
Mediasport.az xəbər verir ki, raundun son oyun günündə bir matç keçirilib.
2-ci Liqa təmsilçilərindən “Şəfa” “Şəmkir”lə qarşılaşıb.
Binə qəsəbə stadionunda baş tutan görüşün əsas və əlavə vaxtı bərabərliklə yekunlaşıb – 1:1.
Penaltilər seriyasında daha dəqiq oynayan “Şəfa” 5:3 hesabı ilə qalib gələrək kubokda 2-ci təsnifat mərhələsinə yüksəlib.
Daha əvvəl “Lerik”, “Şahdağ Qusar”, “Göygöl”, “Cəbrayıl”, “Kür-Araz” və “Baku Sportinq” II təsnifat mərhələsinə vəsiqə qazanmışdılar.
Növbəti mərhələdə 22 komanda 11 cüt formalaşdırıb. Onlardan 7-si I təsnifatdan gələn 2-ci Liqanın, digərləri isə I Liqanın bütün təmsilçiləri və Premyer Liqanın 5 iştirakçısıdır.
II raundun oyunları noyabrın 28-30-da baş tutacaq.
Azərbaycan Kuboku. II təsnifat mərhələsi
“Şəfa” - “Səbail”
“Zaqatala” - “Şamaxı”
“Turan Tovuz” – “Göygöl
“Araz-Saatlı” - “İrəvan”
“Kür-Araz” - “Araz-Naxçıvan”
“İmişli” - “Mingəçevir”
“Lerik” - “Sumqayıt”
“Karvan” - “Difai Ağsu”
“Şahdağ Qusar” - “Qaradağ Lökbatan”
“Kəpəz” – “Baku Sportinq”
MOİK – “Cəbrayıl”
