Azərbaycan yığması Almaniyada Avropa çempionatının finalına çıxıb
Azərbaycan yığmasının Almaniyanın Düsseldorf şəhərində keçirilən at polosu üzrə 14-cü Avropa çempionatında uğurlu çıxışı davam edir.
Mediasport.az xəbər verir ki, komandamız yarımfinal mərhələsində Avstriya yığması ilə qarşılaşıb və növbəti qələbə ilə finala vəsiqə qazanıb.
Mübarizəyə handikap fərqinə görə (6-8) 1,5 top fərqi ilə geridə başlayan milli ümumilikdə 6 qol vuraraq 6-3,5 hesabı ilə rəqibini darmadağın edib.
Təmsilçilərimiz finalda İspaniya kollektivi ilə qarşılaşacaqlar.
Qeyd edək ki, millimiz çempionatın ilk oyununda İspaniya yığmasına 6:5 hesabı ilə qalib gəlmişdi.
