Braziliyadan ilk məğlubiyyət, Messi Argentina yığması üçün qələbəni 10 dəqiqəyə təmin edib - DÇ-2026
DÇ-2026-nın seçmə mərhələsinin Cənubi Amerika zonası üzrə seçmə mərhələ oyunları davam etdirilir.
Mediasport.az xəbər verir ki, 4-cü tur çərçivəsində gecə yarı 5 qarşılaşma keçirilib.
Son dünya çempionu Argentina Peru səfərində sürprizə imkan verməyib. leo Messi ilk hissədə matçın taleyini həll edib.
5-qat dünya çempionu Braziliya isə Uruqvayda büdrəyib. Marselo Byelsanın komandası "sambaçılar"ı 2 cavabsız qolla yola salıb.
Argentina yığması 4 turdan sonra maksimum nəticə ilə vahid liderdir. Aktivində 7 xalı olan Uruqvay, Braziliya və Venesuela növbəti 3 yeri bölüşdürür. Kolumbiya 6 xalla 5-ci pillədə qərarlaşıb.
Qeyd edək ki, Cənubi Amerika zonasından mundialın final mərhələsinə birbaşa 6 komanda vəsiqə qazanır. Qrupda 7-ci yeri tutan yığma digər zonadan gələn kollektivlə pley-off oyunu keçirir.
DÇ-2026. Seçmə mərhələ. 4-cü tur
Venesueal – Çili 3:0
Paraqvay – Boliviya 1:0
Ekvador – Kolumbiya 0:0
Uruqvay – Braziliya 2:0
Peru – Argentina 0:2
