Polis Akademiyasını kursantı İtaliyada dünya çempionu olub
Azərbaycan idmançısı Emil Nağıyev İtaliyanın Karrada şəhərində kunq-funun WTKA versiyası üzrə keçirilən dünya çempionatında qızıl medal qazanıb.
Mediasport.az xəbər verir ki, 80 kiloqram çəki dərəcəsində çıxış edən Azərbaycan təmsilçisi Polşa və Ukraynadan olan rəqiblərinə qalib gələrək finala yüksəlib.
İdmançımız həlledici döyüşdə italiyalı rəqibini də məğlub edərək dünya çempionu olub.
Qeyd edək ki, Emil Nağıyev Daxili İşlər Nazirliyinin Polis Akademiyasının kursantı, polis sıravisidir.
