Donald Gerye rəsmən "Zirə"də
"Zirə" heyətini yeni futbolçu ilə gücləndirib.
mediasport.az xəbər verir ki, Rəşad Sadıqovun baş məşqçisi olduğu komanda Azərbaycanda indiyədək iki klubda çıxış etmiş və daha çox intizamsızlığı ilə diqqəti çəkmiş 33 yaşlı Vild-Donald Geryeni transfer edib.
Qəsəbə təmsilçisi haitli müdafiəçi ilə yarım mövsüm+1 illik müqavilə imzalayıb. Millinin kapitanı karyerası ərzində ölkəsinin “Violette”, “Amerika des Kayes”, Polşanın “Visla”(Krakov), “Vieçesta”, Türkiyənin “Alanyaspor”, Kiprin “Apollon” və “Olimpiakos” klubları, həmçinin “Qarabağ” və “Neftçi”nin formasını geyinib.
