Dünya çempionatının final mərhələsi bu ölkədə keçiriləcək - RƏSMİ
FİFA futzal üzrə dünya çempionatının final mərhələsinin keçiriləcəyi ölkəni müəyyənləşdirib.
MediaSport.az xəbər verir ki, gələn il təşkil ediləcək 10-cu mundialın ev sahibi Özbəkistan olacaq.
24 komandanın iştirak edəcəyi final mərhələsinin qarşılaşmaları sentyabrın 14-dən oktyabrın 6-dək keçiriləcək.
Birincilikdə Avropanı 7 ölkə təmsil edəcək. Sentyabr, oktyabr və dekabr aylarında qitə üzrə elit-raund mərhələsinin görüşləri oynanılacaq.
Qeyd edək ki, Azərbaycan millisi "A" qrupunda Qazaxıstan, Rumıniya və Niderlandla yarışacaq. Qrup lideri final mərhələsinə birbaşa vəsiqə qazanacaq. 2-ci yeri tutan komandalar arasında ən yaxşı göstəriciyə malik 4 yığma pley-offda qarşılaşacaq.
