"Neftçi" Eminlə yeni müqavilənin detallarını açıqladı - RƏSMİ
"Neftçi"nin kapitan Emin Mahmudovla anlaşdığını səhər diqqətinizə çatdırmışdıq - (https://mediasport.az/mahmudovun-karyerasini-harada-davam-etdireceyi-mueyyenlesdi-son-qerar)
MediaSport.az xəbər verir ki, paytaxt klubu 31 yaşlı yarımmüdafiəçi ilə imzalanmış yeni müqavilənin detallarını açıqlayıb.
Millimizin üzvü ilə 2+1 il şərtli anlaşma imzalanıb.
2017-ci ilin sentyabrında “Neftçi”yə transfer olunmuş yarımmüdafiəçinin müqaviləsinin müddəti 2022/2023 mövsümünün sonunda başa çatmışdı. Geridə qalan 6 mövsüm ərzində “ağ-qaralar”ın heyətində 191 oyun keçirib, 50 qol vuran Mahmudov 2020/2021 mövsümündə Azərbaycan çempionu olub.
Qeyd edək ki, bundan əvvəl qapıçı İvan Brkiçlə müqavilənin müddətini uzadan “Neftçi” yığma komandamızın digər üzvləri – qapıçı Emil Balayev və xorvat əsilli yarımmüdafiəçi Filip Ozobiçi transfer edib.
