Estoniya millisinə qalib gəlməliyik, amma STATİSTİKA belə demir
Futbol üzrə Azərbaycan milli komandası UEFA Millətlər Liqasının qrup mərhələsi matçı üçün Estoniyaya yola düşüb.
Fernandu Santuşun rəhbərlik etdiyi kollektiv Bakıda iki günlük hazırlıq prosesini başa vuraraq Tallinnə istiqamət alıb.
C Liqasının 1-ci qrupunda yer alan yığmalar oktyabrın 11-də üz-üzə gələcəklər. Matç Bakı vaxtilə saat 20:00-da başlanacaq.
A milli komandalar indiyədək bir neçə dəfə qarşılaşıblar. Əsas yığmalar səviyyəsində tərəflər indiyədək 10 dəfə üz-üzə gəliblər.
Bunlardan yalnız son iki qarşılaşma rəsmi - AVRO-2024-ün seçmə qrup mərhələsi oyunlarına təsadüf edib.
Ötən il millimiz Bakıda bərabərə qaldığı estonları səfərdə məğlub etmişdi. Ümumilikdə statistikada estoniyalılar qələbə sayında bizdən üstündürlər.
Rəqib seçməmizi 3 dəfə məğlub edib.
Xatırladaq ki, millimiz cari qrupda keçirdiyi ilk iki dueli məğlub başa vurub - futbolçularımız Bakıda İsveçə (0:3), Koşitsedə Slovakiyaya (0:2) uduzublar.
Azərbaycan - Estoniya görüşləri (əsas komandalar)
1. 15.02.1996. Larnaka. Yoldaşlıq oyunu. Estoniya – Azərbaycan 0:0
2. 01.03.1997. Larnaka. Yoldaşlıq oyunu. Estoniya – Azərbaycan 2:0
3. 04.06.1997. Vilyandi. Yoldaşlıq oyunu. Estoniya – Azərbaycan 1:0
4. 16.05.1998. Vilyandi. Beynəlxalq turnir. Estoniya – Azərbaycan 0:0
5. 28.11.1998. Gəncə. Yoldaşlıq oyunu. Azərbaycan – Estoniya 2:1
6. 06.03.1999. Larnaka. Yoldaşlıq oyunu. Azərbaycan – Estoniya 2:2
7. 03.07.2002. Kuressaare. Yoldaşlıq oyunu. Estoniya – Azərbaycan 0:0
8. 15.11.2013. Tallinn. Yoldaşlıq oyunu. Estoniya – Azərbaycan 2:1
9. 17.06.2023. Bakı. AÇ seçmə mərhələ. Azərbaycan – Estoniya 1:1
10. 13.10.2023. Tallinn. AÇ seçmə mərhələ. Estoniya – Azərbaycan 0:2
Mediasport.az
