İdmançımızdan Buxarestdə keçirilən Avropa çempionatında qızıl medal!
Rumıniyanın paytaxtı Buxarestdə keçirilən yaşı 20 və 23-ə qədər olan gənclər arasında ağır atletika üzrə Avropa çempionatı davam edir.
MediaSport.az xəbər verir ki, təmsilçilərimizdən körpücük üzərinə çıxan Ömər Cavadov ölkəmizə ilk medalı qazandırıb.
O, yaşı 23-ə qədər olan atletlər arasında 73 kq çəki dərəcəsində qüvvəsini sınayıb. Atletimiz birdən qaldırma hərəkətində 152 kq-ı ram edib və bu hərəkətdə Avropa çempionu olub.
Cavadov təkanla qaldırma hərəkətində 165 kq-ı qaldırıb və bu hərəkətdə 4-cü olub. Toplam 317 kq (152+165) nəticə göstərən Ömər yekun sıralamada da 4-cü yeri tutub.
34 ölkədən 394 atletin (187 qadın və 207 kişi) iştirak etdiyi yarış avqustun 3-ndə yekunlaşacaq.