İlqar Rəhimov Səudiyyə Ərəbistanı Krallığına səfər edəcək
Görmə Məhdudiyyətli İdmançıların Beynəlxalq Federasiyasının (IBSA) prezidenti İlqar Rəhimov Səudiyyə Ərəbistanı Krallığına səfər edəcək.
Mediasport.az xəbər verir ki, federasiya prezidenti İ.Rəhimov Krallığın Olimpiya və Paralimpiya Komitəsi, Gözdən Əlillər İdmanı Federasiyası və Asiya Paralimpiya Komitəsinin dəvəti ilə noyabrın 26-dapaytaxt Ər-Riyad şəhərinə səfər edəcək.
Səfər çərçivəsində İlqar Rəhimov Səudiyyə Oyunlarının açılış mərasimində iştirak edəcək. Eyni zamanda IBSA idman növləri üzrə yarışlarda iştirak etməyi, görmə qabiliyyətini itirmiş və zəif görən idmançılarla görüşün keçirilməsi planlaşdırılır.
Bundan əlavə, İ.Rəhimov Krallığın Olimpiya və Paralimpiya Komitəsinin rəhbərliyi ilə mühüm görüş keçirəcək.
IBSA prezidenti İlqar Rəhimov səfər zamanı Asiya Paralimpiya Komitəsinin Baş Assambleyasına da qatılacaq və orada çıxış edəcək, iştirak edəcək üzv ölkələrin idman federasiyalarının rəhbər şəxslərilə görüşlər keçirilək.
Səfər dekabrın 1-dək davam edəcək.
