Joze Mourinyo Avroliqa medalını bu azarkeşə hədiyyə etdi - FOTO
Futbol üzrə Avropa Liqasının "Sevilya" - "Roma" finalından sonra maraqlı hadisə qeydə alınıb.
mediasport.az xəbər verir ki, karyerası ərzində avrokubokların finallarında ilk dəfə uduzan İtaliya klubunun baş məşqçisi Joze Mourinyo gümüş medalını azarkeşə bağışlayıb.
Portuqaliyalı mütəxəssis mükafatını Budapeştdəki "Puşkaş Arena"ya təşrif buyurmuş azyaşlı "Roma" fanatına hədiyyə edib.
“Canavarlar” turnirin rekordçusu - bunadək 6 finalın hamısından qalib ayrılmış İspaniya klubuna penaltilər seriyasında məğlub olublar - 4:1.
"Don Joze" indiyədək çıxdığı beş final matçının hamısında qalib gəlmişdi.
