"Karvan"ın şikayəti təmin edilmədi
Azərbaycan 1-ci Liqasının 8-ci turunun “Karvan” - “Qəbələ” matçında yaşananlara görə ağır cəzalar alan Yevlax təmsilçisinin apellyasiya şikayəti təmin olunmayıb.
Mediasport.az xəbər verir ki, bu barədə Apellyasiya Arbitraj Tribunalı qərar qəbul edib.
Noyabrın 27-də keçirilən oyun bitdikdən sonra “Karvan”ın futbolçusu Bəhruz Teymurovun hakimləri təhqir etdiyinə görə 4 oyun cəzalanması, həmçinin klubun 300 manat cərimələnməsi barədə AFFA-nın İntizam Komitəsinin 3 dekabr 2024-cü il tarixli qərarı dəyişdirilmədən qüvvədə saxlanılıb.
Həmçinin Apellyasiya Arbitraj Tribunalının qərarından Lozannadakı (İsveçrə) İdman üzrə Arbitraj Məhkəməsinə (CAS) şikayət verilməsinin mümkünlüyünün maraqlı tərəflərə izah edilməsi və qərarın tam mətninin 30 gün ərzində hazırlanaraq tərəflərə göndərilməsi bildirilib.
