Ronaldo Çempionlar Liqasını qazanıb daha bir tarixi rekorda imza atdı
Səudiyyə Ərəbistanının "Əl-Nəsr" klubunda çıxış edən Kriştiano Ronaldo daha bir rekorda imza atıb.
mediasport.az xəbər verir ki, 38 yaşlı dünya ulduzu komandası ilə Ərəb Klubları Çempionlar Liqasının qalibi olub.
"Əl-Hilal"la həlledici qarşılaşmanın 74-cü dəqiqəsində bərabərlik qolunu vuraraq matçı əlavə vaxta aparan portuqaliyalı futbolçu 97-ci dəqiqədə dublunu rəsmiləşdirərək Səudiyyə Ərəbistanı klubu ilə ilk titulunu qazanıb.
Kuboku başı üzərinə qaldıran sosial şəbəkələrin əvəzolunmaz fenomeni "instagram" hesabında da rekord vurub. Forvardın izləyicilərinin sayı 600 milyonu keçib ki, bu, dünya tarixində bir ilkdir.
