Lisenziya turnirində ölkəmizi 18 idmançı təmsil edəcək - SİYAHI
Badminton üzrə Azərbaycan millisinin Bakıda keçiriləcək “Azerbaijan International 2024” beynəlxalq turniri üçün heyəti müəyyənləşib.
Mediasport.az xəbər verir ki, Bakı İdman Sarayında təşkil olunacaq yarışda Azərbaycanı 18 idmançı təmsil edəcək.
“Paris-2024” Yay Olimpiya Oyunlarına lisenziya xarakterli turnirdə Keişa Fatimə Zəhra, Nərmin Hüseynova, Fatimə Həsənzadə, Əminə İsmayılova, Leyla Camalzadə, Aysu Kərimzadə, Viktoriya Kumanyayeva, Era Maftuha, Nəzrin Mehralızadə, Həcər Nuriyeva, Nigar Səmədova, Sərxan Bağırov, Aqil Qabilov, Əli Gözəlov, Vaqif İsmayılov, Rəvan Niftəliyev, Edi Reski Dviçayo və Dikki Dvi Pangestu mübarizə aparacaqlar.
Fevralın 8-11-də baş tutacaq yarışda 49 ölkədən ümumilikdə 293 badmintonçu qüvvəsini sınayacaq.
