Milli komandamız Kİprdə Estoniya seçməsinə də uduzdu - AVRO-2025
Azərbaycanın 19 yaşadək qadın futbolçulardan ibarət millisi Avropa çempionatının seçmə mərhələsində növbəti oyununa çıxıb.
Mediasport.az xəbər verir ki, B Liqasının 5-ci qrupunda yer alan yığmamız Estoniya kollektivi ilə üz-üzə gəlib.
Kiprin “Kouklia Community” stadionunda təşkil olunan görüş estonların qələbəsilə yekunlaşıb - 3:0.
Qeyd edək ki, U-19 seçmə mərhələnin ilk matçında İsveçrə millisinə 0:8 hesabı ilə uduzub.
Komandamızın qrupda son dueli dekabrın 2-də Kipr seçməsinə qarşı olacaq.
