"Neftçi": 6 oyun, 6 məğlubiyyət!
Azərbaycan Basketbol Liqasında 6-cı tura start verilib.
Mediasport.az xəbər verir ki, günün ilk matçında A qrupunda yer alan "Neftçi" "Naxçıvan"la qarşılaşıb.
Mövsümdə keçirdiyi 5 görüşün hamısında məğlub olan "ağ-qaralar" Muxtar Respublika təmsilçisinə də uduzublar - 72:83.
"Naxçıvan" 11 xalla 1-ci pilləyə yüksəlib, "Neftçi" sonuncu - altıncı sırada qərarlaşıb.
Günün ikinci duelində son çempion "Sabah" "Sərhədçi" ilə üz-üzə gələcək.
Turun qalan görüşləri dekabrın 11, 13 və 14-də keçiriləcək.
