Nərgiz İsmayılova Çempionlar Liqasının qrup oyununa dəvət aldı
Azərbaycan Voleybol Federasiyası Regional İnkişaf Mərkəzinin rəhbəri, Avropa Voleybol Konfederasiyasının (CEV) Avrokuboklar Komissiyasının üzvü Nərgiz İsmayılova təyinat alıb.
Voleybol federasiyasından mediasport.az saytına verilən məlumata görə, İsmayılova qadın voleybolçular arasında Çempionlar Liqasının B qrupu çərçivəsində keçiriləcək "Prometey Dnepr" (Ukrayna) - "Voley Alba BLAJ" (Rumıniya) matçının supervayzeri olacaq.
İsmayılova qarşılaşmanın hakimləri - macarıstanlı Peter Şabo və fransalı Kristof Lekurun işinə qiymət verəcək. Görüş bu gün Çexiyanın Kutna Hora şəhərində keçiriləcək.
