"Qarabağ"ın futbolçusunun vurduğu bu qol "Ferens Puşkaş" mükafatına yekun namizədlərdən oldu - VİDEO
FİFA ilin ən yaxşı qol müəllifinə təqdim etdiyi "Ferens Puşkaş" mükafatına namizədlərin yekun siyahısını açıqlayıb.
Mediasport.az xəbər verir ki, 11 futbolçunun yer aldığı iddiaçılar arasında "Qarabağ"ın yarımmüdafiəçisi Yassin Benzia da var.
Bu ilin martında CAR millisi ilə yoldaşlıq matçında Əlcəzair millisinin forması ilə super qol vuran 30 yaşlı vinger qalib adını qazanmağa əsas favoritlərdən hesab edilir.
Xatırladaq ki, Benzia həmin görüşdə dubl etmişdi (3:3).
Mükafat 2009-cu ildə FİFA tərəfindən təsis edilib.
