"Sabah" - "Beşiktaş" xeyriyyə futbol qarşılaşmasının hakimləri açıqlandı
İlin əvvəlində Türkiyədə baş vermiş zəlzələdən əziyyət çəkənlərə yardım məqsədilə sabah Bakıda keçiriləcək “Sabah” - “Beşiktaş” xeyriyyə futbol matçının hakim təyinatları açıqlanıb.
mediasport.az xəbər verir ki, görüşün baş hakimi Tural Qurbanov olacaq. Ona yan xətt hakimləri qismində Vüsal Məmmədovla Rəhman İmami kömək edəcək.
Dördüncü hakim funksiyası İnqilab Məmmədova tapşırılıb.
Tofiq Bəhramov adına Respublika stadionunda keçiriləcək oyun saat 18:00-da başlanacaq.
