Şahruddin Məhəmmədəliyevin məşhur baş məşqçisi qovulub
Azərbaycan millisinin qapıçısı Şahruddin Məhəmmədəliyevin çıxış etdiyi Türkiyənin “Adana Dəmirspor” klubu baş məşqçisi Patrik Klyuvertlə yollarını ayırıb.
Mediasport.az xəbər verir ki, Superliqa təmsilçisi 47 yaşlı mütəxəssislə qarşılıqlı razılıq əsasında vildalaşıb.
Adana təmsilçisi son olaraq 14-cü turda evdə “Samsunspor”a 2:3 hesabı ilə uduzub. Bu matçda qapını Məhəmmədəliyev qoruyub.
“Adana Dəmirspor” iyunun 30-da Klyuvertlə 2 illik müqavilə imzalamışdı.
