"Şamaxı" yenə xal itirib, MOİK rəqibinə 7 cavabsız qol vurub
Futbol üzrə Azərbaycan 1-ci Liqasında 16-cı tura start verilib.
Mediasport.az xəbər verir ki, ilk oyun günündə iki qarşılaşma baş tutub.
Çempionluğa iddialı "Şamaxı" bu tur da xal itirib. Ötən həftə "Difai Ağsu" ilə matçda bərabərə qalan Ramiz Məmmədovun komandası bu dəfə "Zaqatala" ilə "sülh" bağlayıb.
Premyer Liqaya çıxmağı hədəfləyən MOİK isə "İrəvan"ı meydana çıxmasına peşman edib.
Tura sabah keçiriləcək "Mingəçevir" - "Difai Ağsu", "İmişli" - "Karvan" və "Araz Saatlı" - "Qaradağ Lökbatan" qarşılaşmaları ilə yekun vurulacaq.
Azərbaycan 1-ci Liqası. 16-cı tur
"İrəvan" - MOİK 0:7
Qollar: Elvin Valiiev, 22, 90+3, Sabir Allahquliyev, 27 (pen), 63, Elmir Rəhimzadə, 66, 77, 90+2.
"Şamaxı" - "Zaqatala" 1:1
Qollar: Səbayıl Bağırov, 13 - Nicat Oruclu, 90+4.
