Son 2 komandanın pley-offa çıxışı rəsmiləşəcək - ÇEMPİONLAR LİQASI
Qitənin bir nömrəli klub yarışında bu gecə yarısı qrup mərhələsinə yekun vurulacaq.
mediasport.az xəbər verir ki, E, F, G və H qruplarında keçiriləcək qarşılaşmalardan sonra bütün 1/8 finalçıların adları rəsmiləşəcək.
Doğma meydanda "Zalsburq"u qəbul edəcək "Milan" qrup 2-cisi olmaq üçün azı heç-heçə etməlidir. Millimizin hücumçusu Mahir Emrelinin formasını geyindiyi "Dinamo" (Zaqreb) Avropa Liqasının pley-offuna düşmək üçün mütləq Londonda 1/8 finala vəsiqəni vaxtından əvvəl təmin etmiş "Çelsi"yə qalib gəlməli, eyni zamanda "Zaltsburq"un "Milan"a uduzmasını gözləməlidir.
Ukrayna təmsilçisi "Şaxtyor" (Donetsk) "Leypsiq"ə məğlub olarsa və ya heç-heçə edərsə, çıxışını Avroliqada davam etdirəcək.
14 komanda - "Tottenhem", "Ayntraxt", "Napoli", "Liverpul", "Brügge", "Portu", "Bavariya", "İnter", "Borussiya" (Dortmund), "Real" (Madrid), PSJ, "Benfika", "Mançester Siti" və "Çelsi" 1/8 finala vəsiqə qazanıb.
Çempionlar Liqası. Qrup mərhələsi. 6-cı tur
E qrupu
00:00. "Çelsi" (İngiltərə) - "Dinamo" (Zaqreb, Xorvatiya)
00:00. "Milan" (İtaliya) - "Zalsburq" (Avstriya)
Xal durumu: "Çelsi" - 10, "Milan" - 7, "Zalsburq" - 6, "Dinamo" - 4
F qrupu
21:45. "Real" (İspaniya) - "Seltik" (Şotlandiya)
21:45. "Şaxtyor" (Donetsk, Ukrayna) - "Leyptsiq" (Almaniya)
Xal durumu: "Real" - 10, "Leypsiq" - 9, "Şaxtyor" - 6, "Seltik" - 2
G qrupu
00:00. "Kopenhagen" (Danimarka) - "Borussiya" (Dortmund, Almaniya)
00:00. "Mançester Siti" (İngilttərə) - "Sevilya" (İspaniya)
Xal durumu: "Mançester Siti" - 10, "Borussiya" - 8, "Sevilya" - 5, "Kopenhagen" - 2
H qrupu
00:00. "Yuventus" (İtaliya) - PSJ (Fransa)
00:00. "Makkabi" (Hayfa, İsrail) - "Benfika" (Portuqaliya)
Xal durumu: PSJ - 11, "Benfika" - 11, "Yuventus" - 3, "Makkabi" - 3
