UEFA Çempionlar Liqası ilə vidalaşan ilk komanda məlum oldu
UEFA Çempionlar Liqasının 2024/2025-ci illər mövsümündə mübarizəni vaxtından əvvəl başa vuracağı dəqiqləşən ilk komanda müəyyənləşib.
Mediasport.az xəbər verir ki, “Leypsiq” ilk dəfə yeni formatda keçirilən Liqa mərhələsi yekunlaşmamış pley-off şansını itirən ilk kollektiv olub.
Almaniya təmsilçisi geridə qalan 6 oyunun hamısında uduzmaqla növbəti raund şansını itirib.
Komanda son olaraq dünən - 6-cı tur çərçivəsində evdə "Aston Villa"ya 2:3 hesabı ilə məğlub olub.
İlk "24-lük"də yer ala bilməyəcək almanlar əsas mərhələdə daha əvvəl “Atletiko”ya (İspaniya, 1:2), “Yuventus”a (İtaliya, 2:3), “Liverpul”a (İngiltərə, 0:1), “Seltik”ə (Şotlandiya, 1:3) və “İnter”ə (İtaliya, 0:1) uduzublar.
"Leypsiq"in əsas mərhələdə son iki tur matçı formal xarakter daşıyacaq.
