Üzgüçülük üzrə Azərbaycan Kubokunun qalibləri məlum olub

Üzgüçülük üzrə Azərbaycan Kubokunun qalibləri məlum olub

Üzgüçülük üzrə ölkə kubokunun qalibləri müəyyənləşib.

Mediasport.az xəbər verir ki, Bakı Su İdmanı Sarayında keçirilən Azərbaycan Kubokunda sprint növü üzrə qızlar arasında Fatimə Alkərəmova, oğlanlar arasında isə Ramil Vəlizadə bütün rəqiblərindən güclü olublar.

Stayer növü üzrə isə oğlanlar arasında Süleyman İsmayılzadə, qızlar arasında Kseniya Voronina birinci yeri tutublar.

Yarışda Üzgüçülük üzrə yığma komandanın üzvü, 2008-ci il təvəllüdlü Anastasiya Boborokina ilk dəfə olaraq idman ustası normativini yerinə yetirib. Bundan başqa, milli komandanın üzvləri 11 yaşlı Orxan Əliyev və Məryəm Cavadova ilk dəfə idman ustalığına namizəd normativlərini yerinə yetiriblər.

Həmçinin, yarışda fəal iştirak edən 58 könüllü və hakimlərə Üzgüçülük Federasiyası tərəfindən sertifikatlar təqdim edilib.

Gənclər və İdman Nazirliyi, Azərbaycan Üzgüçülük Federasiyasının təşkilatçılığı və Bakı Su İdmanı Sarayının dəstəyi ilə keçirilən Kubok uğrunda yarışlarda ilk pillənin qaliblərindən başqa, digər yaxşı nəticələr göstərənlər də medal və diplomlarla təltif olunublar.