Yığmamız İtaliya, Çexiya, Serbiya və Gürcüstanla eyni qrupa düşdü
Ümummilli Lider Heydər Əliyevin 100 illik yubileyinə həsr olunmuş mini futbol üzrə beynəlxalq turnir püşkü atılıb.
mediasport.az xəbər verir ki, mərasimində gənclər və idman naziri Fərid Qayıbov, Milli Olimpiya Komitəsinin baş katibi Azər Əliyev, Azərbaycan Minifutbol Federasiyasının (AMF) fəxri prezidenti Orxan Məmmədov, AFFA-nın baş katibi Sərxan Hacıyev və AMF-in, eyni zamanda "Zirə" futbol klubunun prezidenti Taleh Nəsirov, minifutbol üzrə milli komandanın üzvləri və veteran futbolçular iştirak ediblər.
Beynəlxalq turnir 1-6 may tarixlərində keçiriləcək. A qrupunda qalib gələn komanda B qrupunun ikincisi, B qrupunun qalibi isə A qrupunun ikincisi ilə yarımfinalda qarşılaşacaq.
A qrupu: Azərbaycan, Çexiya, Serbiya, Gürcüstan, İtaliya.
B qrupu: Ukrayna, Qazaxıstan, Fransa, Türkiyə, Cənubi Afrika.
