Bakıda ilk dəfə gimnastika üzrə Avropa Kuboku yarışı keçiriləcək
Bakıda ilk dəfə bədii gimnastika üzrə Avropa Kuboku keçiriləcək.
Mediasport.az xəbər verir ki, turnir 2024-cü ildə Avropa Gimnastikasının təşəbbüsü ilə baş tutacaq. Proqrama salınan "çarpaz-qarşılaşmalar"da gimnastlar təsnifat yarışlarından sonra finala yüksəlmək üçün püşkatma nəticəsində birbaşa bir-biriləri ilə yarışacaqlar.
Avropa Kuboku Beynəlxalq Gimnastika Federasiyasına üzv olan bütün ölkələr üçün açıq olacaq. Final yarışlarının çoxnövçülük, komanda hesabı və fərdi proqramda keçirilməsi nəzərdə tutulub.
Avropa Kuboku 2024-cü il martın 29-dan 31-dək Milli Gimnastika Arenasında təşkil ediləcək.
