Lempardın yeni klubu məlum oldu
İngiltərə milli komandasının əfsanəvi futbolçularından Frenk Lempardın baş məşqçiliyini edəcəyi yeni klub məlum olub.
Mediasport.az xəbər verir ki, 46 yaşlı mütəxəssis Çempionşip (1-ci Liqa) təmsilçisi "Koventri" ilə müqavilə bağlayıb.
Son olaraq ötən il "Çelsi"də baş məşqçinin səlahiyyətlərini müvəqqəti icra etmiş Lempard 2,5 illik anlaşmaya qol çəkib.
O, "Kardif"lə matçda iş başında olacaq.
Xatırladaq ki, Lempard "Derbi", "Everton" və "Çelsi"nin baş məşqçisi kimi uğur qazana bilməyib.
