"Lion"la matç öncəsi "Qarabağ"da CİDDİ İTKİ - 3 həftə olmayacaq
Azərbaycan yığma komandasının İsveçlə UEFA Millətlər Liqası matçında zədə alan Bədavi Hüseynovun vəziyyətinə aydınlıq gətirilib.
6-cı turun səfər görüşünün ilk hissəsində zədələnən müdafiəçi minimum 3 həftə futbol oynaya bilməyəcək.
"Qarabağ"ın mətbuat xidmətinin rəhbəri Anar Hacıyevin Mediasport.az saytına verdiyi məlumata görə, kapitan məşqlərə təxminən 3 həftəyə başlayacaq.
Hüseynov topuğundan müalicə alacaq.
Bu o deməkdir ki, son vaxtlar formada olan futbolçu noyabrın 28-də Bakıda Fransanın "Lion" klubu ilə reallaşacaq Avropa Liqası qarşılaşmasını kənardan izləyəcək.
