Azərbaycanın dörd idmançısı Braziliyada medal qazandı
Braziliyanın Kuritiba şəhərində kapoeyra üzrə “Desafio İnternacional” turniri keçirilib.
Mediasport.az xəbər verir ki, Azərbaycan idmançıları yarışda dörd medal qazanıblar.
Təmsilçilərimizdən Mehriban Hacıbabayeva və Dilqəm İsmayılov yeniyetmələr arasında birinci olublar.
Peşəkar kişilər qrupunda Fərid Səlimov (63 kq) qızıl, peşəkar qadınlar arasında Asya Atayeva (56 kq) gümüş medal qazanıblar.
