"Neftçi"dən ayrılıb federasiyanın mətbuat xidmətinin rəhbəri oldu
Milli Paralimpiya Komitəsinə yeni mətbuat katibi təyin olunub.
Mediasport.az xəbər verir ki, bu vəzifə "Neftçi"dən ayrılan Fərid Qarazadəyə həvalə edilib.
O, 2016-cı ildə ölkəmizdə təşkil olunan UEFA U-17 Avropa çempionatının yerli Təşkilat Komitəsində çalışıb, UEFA AVRO-2020-nin Bakının ev sahibliyi etdiyi oyunların təşkilində media əməliyyatları üzrə direktor müavini olaraq fəaliyyət göstərib.
İdman mediası və idarəçiliyi ilə bağlı ölkə daxilində və xaricdə bir çox beynəlxalq yarışların təşkilində təcrübə keçib.
Qarazadə "Neftçi"nin Mətbuat və marketinq departamentində çalışıb.
