700-ə çatan Simeone Qurban Qurbanovdan aşağı sırada dayanır
2011-ci ildən Madrid "Atletiko"suna rəhbərlik edən Dieqo Simeone İspaniya təmsilçisinin "sükan"ı arxasında yubiley matçını keçirib.
Mediasport.az xəbər verir ki, La Liqanın 14-cü turunun "Alaves"lə ev görüşü (2:1) argentinalı mütəxəssisin "matrasçılar"ın baş məşqçisi kimi 700-cü qarşılaşması olub.
“BeSoccerPro” portalı Simeonenin individual sıralamada bir çox mütəxəssisdən, o cümlədən "Qarabağ"ın baş məşqçisi Qurban Qurbanovdan geri qaldığını yazıb.
Fərdi göstəricidə Frank Şmidt (639 matç, “Haydenhaym”), Xosep Qvardiola (490, “Mançester Siti") və Can Pyero Qasperinini (404, “Atalanta”) qabaqlayan mütəxəssis dünya sıralamasında Saymon Uiver (756, “Harroqeyt Taun”), Kolin Katon (742, “Bala Taun”) və Qurban Qurbanovdan (718, “Qarabağ”) aşağıda qərarlaşıb.
