ABL-də pley-off: "Xəzri" kollektivi "Sərhədçi"ni asanlıqla məğlub edib
Azərbaycan Basketbol Liqasında pley-off mərhələsinin daha bir oyunu baş tutub.
Mediasport.az xəbər verir ki, "Sərhədçi" İdman Mərkəzində keçirilən 1/4 finalın "Xəzri" - "Sərhədçi" qarşılaşmasında birincilər 98:64 hesablı qələbə qazanıblar.
Komandalar arasında ikinci matç sabah keçiriləcək.
Qeyd edək ki, pley-offun digər ilk görüşündə "Xırdalan" "Neftçi"ni məğlub edib - 80:75.
1/4 finalda iki qələbə qazanan klublar yarımfinala vəsiqə alacaqlar.
Seriyada bərabərlik olsa, 3-cü duel reallaşacaq.
