Legionerlərimizin klubları bu gün növbəti oyunlarını keçirəcəklər
Legioner həyatı yaşayan Azərbaycan millisinin üzvləri çıxış etdikləri komandalarda növbəti oyunlarına çıxacaqlar.
Mediasport.az xəbər verir ki, Amil Yunanovun komandası "Biliş" Albaniya Superliqasının 10-cu turunda "Teuta"nı qəbul edəcək.
Zamiq Əliyevin uğurları üçün çalışdığı "Eqnatia" evdə "Dinamo" (Tirana) ilə üz-üzə gələcək.
27 yaşlı forvard Mahir Emrelinin formasını geyindiyi "Nürnberq" "Reqensburq"la qarşılaşacaq.
Emil Mustafayevli "Polessye" "Kolos"u sınağa çəkəcək.
Cəlal Hüseynovlu "Arda" Bolqarıstan Parva Liqasında "Septemvri" ilə münasibətlərinə aydınlıq gətirəcək.
Azərbaycanlı hücumçu Rüfət Dadaşovun komandası "Dinamo" (Berlin) səfərdə "Eylenburq"un qonağı olacaq.
25 oktyabr
Bolqarıstan Parva Liqası. 9-cu tur
15:00 "Arda" - "Septemvri"
Albaniya Superliqası. 10-cu tur
16:00 "Biliş" - "Teuta"
16:00 "Eqnatia" - "Dinamo" (Tirana)
Ukrayna Premyer Liqası. 11-ci tur
19:00 "Polessye" - "Kolos"
Almaniya Şimal-Şərq Regional Liqası. 13-cü tur
20:00 "Eylenburq" - "Dinamo" (Berlin)
Almaniya 2-ci Bundesliqası. 11-ci tur
20:30 "Nürnberq" - "Reqensburq"
