"Qarabağ"ın "Hekken"lə vacib oyununun şərhçisi müəyyənləşib
Sabah "Qarabağ" UEFA Avropa Liqasının qrup mərhələsinin 6-cı turu çərçivəsində Bakıda İsveçin "Hekken" klubunu qəbul edəcək.
Avroliqanın pley-off mərhələsinin biraddımlığında olan Azərbaycan çempionunun skandinavlarla qarşılaşmasının şərhçisi müəyyənləşib.
"CBC Sport" telekanalından Mediasport.az saytına verilən məlumata görə, matçı təcrübəli telejurnalist Rüstəm Əfsərli şərh edəcək.
Tofiq Bəhramov adına Respublika stadionunda keçiriləcək görüş saat 21:45-də başlanacaq.
"Qarabağ" 6 xalla qrup ikincisidir, "Hekken"in xalı yoxdur. Qələbə Qurban Qurbanovun komandasını 1/16 finala aparacaq.
Qrupun "Bayer"- "Molde" duelində ikincilər məğlub olsalar, Bakıda istənilən nəticə Ağdam təmsilçisini pley-offa çıxaracaq.
