Azarkeşlərinin söyüşlərinə görə "Zirə"yə xəbərdarlıq edildi
AFFA İntizam Komitəsinin iclası keçirilib.
Mediasport.az xəbər verir ki, toplantıda Premyer Liqa təmsilçisi “Zirə” klubuna xəbərdarlıq edib.
Buna səbəb 5-ci turda “Qarabağ”la görüşün 29-cu dəqiqəsində rəqib komandanın azarkeşlərinin ünvanına kütləvi şəkildə təhqiramiz ifadələr səsləndirilməsi olub. Bu hal cari mövsümdə ilk dəfə yaşandığına görə AFFA hələlik xəbərdarlıqla kifayətlənib.
Turun “Sumqayıt” - “Araz Naxçıvan” oyununda 5 futbolçusu sarı vərəqə aldığına görə qonaqlar 700 manat cərimələnib.
“Şamaxı” - “Neftçi” görüşü bitdikdən sonra meydana kənar şəxs daxil olduğuna görə bölgə təmsilçisi 800 manat ziyana düşüb.
“Kəpəz” isə “Sabah”la matçı bitdikdən sonra meydana kənar şəxsin daxil olması səbəbindən 800 manat ödəyəcək.
