Deku və Flik Eldar Tağızadənin "Barselona"da debütünü izlədi
Azərbaycanın U-21 yığmasına çağırılan qapıçı Eldar Tağızadənin “Barselona” B komandasında debütü baş tutub.
Mediasport.az xəbər verir ki, gənc qolkiper “Korneliya” ilə yoldaşlıq görüşündə meydana çıxıb.
Tağızadə Kataloniya təmsilçisinin 3:0 hesabı ilə qalib gəldiyi qarşılaşmada son 30 dəqiqə meydanda olub.
Futbolçumuz "Barsa"nın əsas komandasının baş məşqçisi Hans-Diter Flik və klubun idman direktoru, əfsanəvi Dekunun izlədiyi görüşdə qol buraxmayıb.
