"Budö Qlimt"in kapitanı Patrik Berq: "Məğlubiyyət hissi heç yaxşı deyil"
"Məğlubiyyət hissi heç də yaxşı deyil. Açıq futbol oynasaq da, qol vura bilmədik. Bu, ağlasığmazdır".
Mediasport.az xəbər verir ki, bunu Norveç mətbuatına açıqlamasında "Budö Qlimt"in kapitanı Patrik Berq deyib.
Skandinavların qarşılaşmada yeganə qolunun müəllifi "Qarabağ"ın onları cəzalandırdığını söyləyib:
"Öz oyun üslubumuzdan çox uzaqda idik. Rəqibin epizodlar yaratmasına kömək etdik. Bu problemi mütləq aradan qaldırmalıyıq. Planımız rəqibi topun arxasında qaçmağa məcbur etmək idi. Bacarmadıq".
Xatırladaq ki, Kyetil Kuntsenin baş məşqçisi olduğu skandinavlar cari mövsüm avrokubokların əsas raundunda məğlub olmamışdılar: 2 qələbə, 1 heç-heçə.
