Kaxaber Çxadadze "Qəbələ"dən gedəcək - Anlaşmanın ƏSL ÜZÜ
Elmar Baxşıyevin istefasından sonra "Qəbələ"yə baş məşqçi gətirilən Kaxaber Çxadadzenin əyalət təmsilçisi ilə anlaşmasının əsl detalları üzə çıxıb.
Rəsmi təyinatdan sonra klubun gürcüstanlı mütəxəssislə 1.5 illik müqaviləyə qol çəkdiyi açıqlansa da, əslində, tərəflər arasında razılaşma belə deyil.
Azərbaycana köməkçisi Giorgi Çixradze ilə gələn 55 yaşlı çalışdırıcı bölgə klubuyla bu mövsümün sonunadək - yəni, cəmi 5 aylıq anlaşmaya imza atıb.
Tərəflərin razılaşması konkret belə olub ki, "Qəbələ" Premyer Liqada qalsa, əməkdaşlığı öz aralarında daha bir mövsümlük uzadacaqlar.
Əks-təqdirdə Çxadadzeni yayda Azərbaycanda görməyəcəyik. Bu ehtimal isə faktiki daha real görünür.
Komanda artıq ən yaxın izləyicisi "Kəpəz"dən 11 xal geri qlaır.
Mediasport.az
