Azərbaycanın iki voleybol hakimi Çempionlar Liqasına təyinat aldı
Avropa Voleybol Konfederasiyası növbəti dəfə həmyerlilərimizə etimad göstərib.
Mediasport.az xəbər verir ki, beynəlxalq dərəcəli hakim Eldar Zülfüqarov və AVF-nin Kommunikasiya şöbəsinin koordinatoru Nərgiz İsmayılova avrokubok yarışlarına təyinat alıblar.
E.Zülfüqarov kişi voleybolçular arasında Çempionlar Liqasının B qrupunda “Fənərbağça Medikana İstanbul" (Türkiyə) - “Mint Vero Volley Monza” (İtaliya) komandalarının matçında ikinci hakim olacaq.
Qarşılaşma bu gün yerli vaxtla saat 19:00-da “Burhan Felek Voleybol Salonu”nda keçiriləcək.
N.İsmayılova isə bu gün Bolqarıstanın paytaxtı Sofiyada kişi voleybolçular arasında keçiriləcək Çempionlar Liqasının E qrupunun “Levski” (Bolqarıstan) və “Lüneburq” (Almaniya) komandalarının oyununda hakimlərin işinə qiymət verəcək.
