"Sumqayıt"dan yeni transfer
"Sumqayıt" basketbol klubu heyətini kanadalı legionerlə gücləndirib.
Mediasport.az xəbər verir ki, "gənclik şəhəri" təmsilçisi 208 sm boya malik Ali Akim Tayger Klarkla 1 illik müqavilə bağlayıb.
26 yaşlı forvard buna qədər Kanadanın "Toronto Metropoliten Universiti" və ABŞ-nin "Vestern Oklahoma Steyt Kollekt" komandasında oynayıb.
Xatırladaq ki, sumqayıtlılar daha əvvəl amerikalı Derrik Nyuton, Kalen Houkins, Ceylon Klark, Kaelen Meloun və rusiyalı Andrey Moteyunası transfer ediblər.
