Stolüstü tennis üzrə Azərbaycan millisi Riqada 9 medal qazandı
Latviyada keçirilən "Riga City Council’s Youth Cup" beynəlxalq turnirinə yekun vurulub.
Mediasport.az xəbər verir ki, yarışın son günlərində yığma komandamız daha 7 medal yazılıb.
Şəbnəm Mansurova U-15 yaş dərəcəsində fəxri kürsünün ən yüksək pilləsinə qalxıb.
Həmin yaş qrupunda qüvvəsini sınayan Onur Quluzadə ikinci, Yağmur Məmmədli üçuncü yeri tutub.
U-19 yaş dərəcəsində keçirilən yarışlara qatılan Onur Quluzadə, Tunar Bağırov, Şəbnəm Mansurova və Yağmur Məmmədli 3-cü olub.
Yarışın ilk günündə Onur Quluzadə ilə Yağmur Məmmədli U-13 yaş dərəcəsində baş mükafata layiq görülmüşdü.
Beləliklə, stolüstü tennisçilər Riqa sınaqlarını 3 qızıl, 1 gümüş, 5 bürünc mükafatla başa vurublar.
