DÇ-2027: Azərbaycan millisinin heyəti müəyyənləşdi - SİYAHI
Kişi basketbolçulardan ibarət Azərbaycan milli komandası noyabrın 21-də 2027-ci il dünya çempionatının seçmə mərhələsində üçüncü oyununu keçirəcək.
Mediasport.az xəbər verir ki, yığmamız səfərdə İrlandiya basketbolçuları ilə qarşılaşacaq.
Görüş Bakı vaxtilə saat 21:00-da başlanacaq.
Azərbaycan millisinə dəvət alan basketbolçular:
Amil Həmzəyev, Kamran Məmmədov (hər ikisi "Neftçi"), Elşad Şirzadov, Cəbrayıl Əkbərov (hər ikisi “Gəncə”), Sadettin Donat (“Sumqayıt”), Rüstəm Əliyev (“Ordu”), Nəzər Quliyev (“Naxçıvan”), Ercan Donat (" Şəki”), Ulaş Turqut, Nicat Məmmədli (hər ikisi “Sərhədçi”), Zaur Paşayev (“Quba”), Rəşid Abbasov (“Lənkəran”), Əkbər Məmmədov, Məhəmməd Hüseynli, Murad Babayev (hər ikisi NTD).
Endar Poladxanlı və Şirzad Şirzadov "Sabah"la birlikdə avrokubokların qrup mərhələsinin son oyunu üçün İsveçə uçacaq. Orxan Aydın, Cordan Devis və Yan Hammer isə düşərgəyə sonradan qoşulacaq.
Xatırladaq ki, millimiz startda İsveçrəyə uduzub (53:72), daha sonra Kosovoya qalib gəlib (87:77).
Basketbolçularımızın növbəti rəqibi noyabrın 24-də Bakıda İsveçrə seçməsi olacaq.
Turnir cədvəli: İsveçrə - 4 xal, Azərbaycan - 3 xal, Kosovo - 3 xal, İrlandiya – 2 xal.
