"Qarabağ"ı Tovuzda görmək istəyənlər 2 azn xərcə düşəcəklər
Azərbaycan Premyer Liqasında ikinci dövrəyə - 10-cu tura Tovuz şəhər stadionunda "Turan Tovuz" - "Qarabağ" oyunu ilə start veriləcək.
Mediasport.az xəbər verir ki, qərb təmsilçisi sabah baş tutacaq qarşılaşmanın biletlərini satışa çıxarıb.
Stadionun kassalarında satılan biletlərin qiyməti 2 AZN-dən başlanır. Məhdud sayda olan 5 AZN-lik VİP biletlər də satışdadır.
Matç saat 18:30-da başlanacaq.
