Kurban Berdıyev: "Mən aqressiv olduğumu deməzdim, amma..."
"Turan Tovuz"un baş məşqçisi Kurban Berdıyev Azərbaycan Premyer Liqasının 13-cü turunun "Səbail"lə oyunundan sonra (1:1) mətbuat konfransında iştirak edib.
Mediasport.az xəbər verir ki, təcrübəli çalışdırıcı öncə qarşılaşma ilə bağlı fikirlərini bölüşüb:
"İki fərqli hissə izlədik. Birinci hissədə düzgün düzülmədik. "Səbail" daha yaxşı görünürdü. İkinci yarıda düzəlişlər etdik və düşünürəm ki, yaxşı oynadıq".
Mütəxəssis daha sonra jurnalistlərin suallarını cavablandırıb:
Futbolçuların süni örtükdə oynamaqdan şikayəti var?
- Xeyr, şərtlər hamı üçün eynidir. Bununla bağlı şikayət yoxdur.
Bu gün "Turan Tovuz" 2 xal itirdi, yoxsa 1 xal qazandı?
- İkinci hissəni nəzərə alsaq, 2 xal itirdik.
Aqressiv olmağınızın səbəbi nə idi?
- Mən aqressiv olduğumu deməzdim, amma istəyirdim ki, futbolçularım daha tez oynasınlar.
