Yığmamız Çexiyada Avropa çempionatına qələbə ilə başlayıb
Kişi badmintonçulardan ibarət Azərbaycan yığması Çexiyanın paytaxtı Praqada keçirilən Avropa çempionatının təsnifat mərhələsinə qələbə ilə start verib.
Mediasport.az xəbər verir ki, heyəti Edi Reski Dviçayo, Muhammad Kadafi, Aqil Qəbilov, Diki Pangestu və Rəvan Niftəliyevdən ibarət millimiz qrupda ilk matçında Norveçə qalib gəlib - 4:1.
Komandamız növbəti görüşünü sabah İrlandiyaya qarşı keçirəcək.
Avropa çempionatının təsnifat mərhələsi Paris-2024 Yay Olimpiya Oyunlarına lisenziya xalları qazandırır.
