Avropa çempionatına qələbə ilə başlayan yığmamız Almaniyaya qarşı
Qadın voleybolçulardan ibarət Azərbaycan millisi Avropa çempionatının C qrupunda növbəti oyununa çıxır.
mediasport.az xəbər verir ki, ilk matçda Çexiya yığmasına 3:0 hesabı ilə qalib gələn yığmamızın budəfəki rəqibi meydan sahibi Almaniya millisi olacaq.
Düsseldorf şəhərində keçirilən qrup görüşləri "CBC Sport" kanalında canlı yayımlanır. Millimizin almanlarla dueli Bakı vaxtuilə saat 22:00-da başlanacaq.
Ataman Güneyligilin rəhbərlik etdiyi Azərbaycan komandası Çexiyadan 25:21, 25:10 və 25:15 hesabı ilə üstün olub.
Qrupun digər qarşılaşmasında Türkiyə komandası İsveçi eyni hesabla məğlub edib.
